fbpx
epa06024348 A view outside of the Paul-Henri Spaak (PHS) building at the European Parliament in Brussels, Belgium, 12 June 2017. The Paul-Henri Spaak building is 24 years old and its management wants to tear it down and build a new one for nearly half a billion euros. This building includes the 'Hemicycle' and the President's office. EPA/STEPHANIE LECOCQ

22 deputetë të Parlamentit Evropian letër zyrtare Austrisë dhe KE-së: Të hiqen vizat për Kosovën

Neogazeta
- Ndarje nga Neogazeta.com

Një letër i është dërguar Presidentit të Këshillit Evropian, Donald Tusk dhe shefit të Përfaqësisë së Përhershme të Austrisë, Nikolas Marschik, të cilën e kanë nënshkruar 22 deputetë të Parlamentit Evropian lidhur me çështjen e liberalizimit të vizave për Kosovën.

Aty ndër tjera thuhet se liberalizimi i vizave do të përmirësojë stabilitetin dhe do ta sjellë Kosovën më afër BE-së, duke përmirësuar mundësitë e të bërit biznes, si dhe duke ndihmuar në luftimin e kontrabandës dhe korrupsionit.

Udhëtimi pa viza jo vetëm që mundëson kontaktet mes njerëzve, forcon bashkëpunimin ndërkufitar, dhe shkëmbehen ide kulturore dhe profesionale, por gjithashtu ndihmon në frenimin e imigracionit të parregullt, duke i nxjerrë kështu nga loja kriminelët, thuhet ndër tjera në letër.

Deputetët e Parlamentit Evropian kanë theksuar se regjimi i liberalizimit të vizave hap mundësi për qytetarët të udhëtojnë jashtë vendit si turistë, të vizitojnë të afërmit dhe miqtë, pa pasur nevojë të përballen me procedura të gjata dhe të shtrenjta të vizave.

Në letër bëhet e qartë se më 18 korrik të këtij viti, Komisioni Evropian konfirmoi se Kosova ka përmbushur dy kërkesat e liberalizimit të vizave, ratifikimin e marrëveshjes së demarkacionit të kufirit me Malin e Zi, si dhe luftën kundër krimit dhe korrupsionit, duke përmbushur kështu të gjitha standardet e përcaktuara në udhërrëfyesin e liberalizimit të vizave.

Neogazeta
- Ndarje nga Neogazeta.com
Paraprak

Haradinaj mbështet fuqishëm Shpend Ahmetin për bashkëkryesues të Ekipit negociator

Tjetra

Kush janë eurodeputetët nënshkrues të letrës mbështetëse për liberalizimin e vizave për Kosovën?

TË FUNDIT NGA RUBRIKA