Hashim Thaçi: Krijimi i Ushtrisë së Kosovës, dhurata më e mirë për festat e fundvitit

Presidenti i vendit, Hashim Thaçi pas transformimit të Forcës së Sigurisë së Kosovës në Ushtri të Kosovës tha se pas dy dekadash shumë të mundimshme, më në fund po përmbyllet procesi i shtetndërtimit.

Thaçi theksoi se Ushtria e Kosovës është nderi, siguria dhe mirëqenia e Republikës së Kosovës.

“Ushtria e Kosovës është nderi, siguria dhe mirëqenia e Republikës së Kosovës. Pas dy dekadash shumë të mundimshme, më në fund po e përmbyllim procesin e shtetndërtimit. Në Kuvendin e Kosovës, me shumicë absolute, përtej dallimeve politike, si rrallëherë të zgjedhurit e popullit miratuan pakon ligjore për themelimin e Ushtrisë së Kosovës. Si shoqëri dhe shtet e kemi dëshmuar se jemi të guximshëm, të përgjegjshëm dhe dimë të qëndrojmë të bashkuar për t’i mbrojtur interesat e popullit dhe shtetit tonë. Krijimi i Ushtrisë së Kosovës dhe Ministrisë së Mbrojtjes është dhurata më e mirë për festat e sivjetme të fundvitit”, tha Thaçi.