fbpx

Kadri Veseli: Sot opozita bashkë me Serbinë ndjejnë gëzim

Neogazeta
- Ndarje nga Neogazeta.com

Kryetari i Kuvendit të Kosovës, Kadri Veseli ka thënë se mospranimi në INTERPOL nuk duhet të ndajë faktorin politik në Kosovë, por duhet t’i bëjë bashkë.

Ai ka lavdëruar Policinë e Kosovës si më të mirën në rajon e më gjerë.

Veseli tha se kjo betejë e humbur nuk e ndal rrugën e Kosovës në proceset integrime.

Lexoni të plotë postimin e Veselit në Facebook:

Sot nuk ishte ditë e mirë për Kosovën. Por, më i fuqishëm se fakti i mos anëtarësimit në Interpol është fakti se as Serbia me politikën e saj të pengimit ndërkombëtar të Kosovës, as krimi i organizuar, e as terrorizmi, nuk do të mund ta ndalin fuqizimin e shtetit të Kosovë dhe integrimin ndërkombëtar të tij.

Kosova krenohet me policinë e saj. Është policia më profesionale në rajon dhe më gjerë. Me profesionalizmin e saj të dëshmuar, Policia e Kosovës e ka bërë shtetin tonë partner të besueshëm dhe efektiv në luftën kundër krimit të organizuar ndërkombëtar dhe në veçanti kundër terrorizmit. Vota e sotme negative ka dëmtuar qartësisht partneritetin ndërkombëtar kundër këtyre të këqijave.

Por, përkundër kësaj, ne nuk do të dekurajohemi në rrugën e qëllimeve tona integruese. Do të punojmë pa u ndalur dhe pa u dorëzuar asnjëherë. Ashtu siç kemi bërë gjithmonë edhe me sfidat e të kaluarës. Në këtë kontekst, do të ishte mirë dhe patriotike sigurisht që partitë opozitare, në vend që të bashkë ndjejnë me Serbinë gëzimin për mos anëtarësimin e Kosovës në Interpol, e t’i fërkojnë duart për pushtet, t’i thërrasin arsyes dhe të gjejnë forcën e duhur për t’iu bashkuar institucioneve të vendit në përballje të përbashkët me sfidat që kemi përpara si shtet e shoqëri.

Nxitja e përçarjes së brendshme, politikat egoiste dhe bllokuese janë qartësisht dëmtim i Kosovës dhe i ndihmojnë fuqizimit të pozicionit ndërkombëtar të Serbisë në raport me Kosovën. Kjo sjellje politike duhet të marrë fund. Sa nuk është bërë vonë, për të gjithë

ka shkruar Veseli në Facebook.

Neogazeta
- Ndarje nga Neogazeta.com
Paraprak

Kosova nuk arrin të bëhet anëtare e INTERPOL-it

Tjetra

Kurti: Thaçi e Pacolli nuk ishin në konferencën e INTERPOL-it, ata ishin thjesht në Dubai

TË FUNDIT NGA RUBRIKA