Policia e Kosovës ka arrestuar sot gjatë ditës, tre deputetë të Lëvizjes Vetëvendosje, Albin Kurti, Donika Kadaj- Bujupi dhe Albulena Haxhiu.
Arrestimi është kryer me urdhërarrest që e ka lëshuar Gjykata Themelore në Prishtinë pasi të njëjtit nuk janë paraqitur në seancë për rastin e hedhjes së gazit lotsjellës në Kuvend.
Gjatë arrestimit të Kurtit, Kadaj-Bujupit dhe Haxhiut, deputetët dhe aktivistët e Vetëvendosjes janë përleshur me Policinë duke rezistuar.
Madje disa prej deputetëve të tjerë edhe kanë mbrojtur me trupat e tyre, deputetët që po arrestoheshin nga Policia.
Policia ka hedhur edhe sprej lotsjellës për të vënë nën kontrollë situatën.
Klan Kosova ka kapur gjithë momentin e rezistencës së deputetëve dhe aktivistëve, deri tek momenti i arrestimit në një video që e gjeni më poshtë:
