Kur do të fillojë numërimi i votave të Prishtinës e Prizrenit?

Në Prishtinë dhe Prizren, pas vendimit të Gjykatës Supreme për të rrëzuar vendimin e PZAP’it, për rinumërim, do të ketë vetëm numërim të votave me kusht, postë dhe të personave me nevoja të veçanta.

Gazeta Metro mëson se derisa në këto momente janë duke u numëruar votat për Komunën e Dragashit, numërimi i votave të Prishtinës dhe Prizrenit, si dy komunat me interesin më të madh, do të fillohet rreth orës 12:00-13:00, varësisht se sa zgjatë numërimi për komunat tjera më pak të rëndësishme.

Mësohet, se fillimisht do të numërohen votat e Prishtinës, dhe më pas ato të Prizrenit.
Në këto dy komuna rezultati në mes të kandidatëve për kryetar është i ngusht, dhe numërimi i këtyre votave, do të përcaktojë se kush do të udhëheq në dy qytetet më të mëdha në vend, për katër vitet e ardhshme. Në Prishtinë, nga rezultati preleminar prinë Shpend Ahmeti i Vetëvendosjes, për vetëm 237 vota, kundrejt kandidatit të LDK’së Arban Abrashi.

Ndërsa në Prizren, prinë Mytaher Haskuka i Vetëvendosjes për rreth 350 vota, kundrejt kandidatit të PDK’së, Shaqir Totaj.

Rinumërim do të ketë edhe për një qendër votimi në Rahovec.