fbpx
Kryesia LDK

LDK këmbëngul në kërkesën për zgjedhje të parakohshme

Neogazeta
- Ndarje nga Neogazeta.com

LDK është e bindur se vendi duhet të shkojë në zgjedhje sa më parë, pasi sipas kësaj partie është e dëmshme të qeveriset nga një pakicë me interesa klienteliste.

Kryesia e Lidhjes Demokratike të Kosovës në mbledhjen e sotme ka bërë të ditur se për këtë arsye do të fillojë organizimin dhe mobilizimin e anëtarësisë dhe qytetarëve për zgjedhje të parakohshme të përgjithshme.

“LDK sheh interes të veçantë që të përmirësohet qeverisja edhe në nivel lokal, prandaj do të angazhohet që pushteti lokal, sikurse edhe ai qendror të punojë në të mirë të qytetarëve dhe të shtetit të Kosovës.

Lidhja Demokratike e Kosovës i ka bërë publike qëndrimet e saj për dialogun me Serbinë, të cilat do të diskutohen në takimin e ardhshëm të Këshillit të Përgjithshëm, si organ më i lartë i LDK-së, ndërmjet dy kuvendeve”, thuhet në njoftimin për media.

Neogazeta
- Ndarje nga Neogazeta.com
Paraprak

Kurti: Thaçi e Pacolli nuk ishin në konferencën e INTERPOL-it, ata ishin thjesht në Dubai

Tjetra

Fitore historike 4-0 kunder Azerbejxhanit, i gjithë shteti në festë

TË FUNDIT NGA RUBRIKA