fbpx

Vjen reagimi nga SHBA, Grenell: Albin Kurti po bën gabim serioz

Neogazeta
- Ndarje nga Neogazeta.com

I dërguari i posaçëm i Shteteve të Bashkuara të Amerikës për dialogun Kosovë-Serbi, Richard Grenell, ka reaguar pas njoftimit të sotshëm të kryeministrit të Kosovës, Albin Kurti, për heqjen e pjesshme dhe me kushte të tarifës ndaj mallrave nga Serbia.

Grenell ka thënë, nëpërmjet një reagimi në natën e së enjtes, në rrjetin social Twitter, se administrata e presidentit Donald Trump nuk e mbështet masën gjysmake të shefit të ekzekutivit kosovar.

“Ne nuk e mbështesim masën gjysmake të kryeministrit Kurti”, ka shkruar Grenell.

“Qëndrimi ynë është shumë i qartë: tarifat duhet të hiqen krejtësisht”, ka deklaruar emisari i Trumpit.

“Zotëri Kurti po bën gabim serioz – dhe kjo i është bërë e qartë sot presidentit Thaçi në Shtëpinë e Bardhë”, është shprehur ai.

Para reagimit zyrtar të Grenellit, Gazeta Express ka raportuar ekskluzivisht se SHBA’ja e ka hedhur menjëherë poshtë propozimin e Kurtit.

Sot, Kurti ka vendosur ta heqë tarifën për lëndën e parë që importohet nga Serbia, duke filluar nga data 15 mars.

E nëse Serbia ndalon fushatën jomiqësore, atëherë nga data 1 prill tarifa do të hiqet tërësisht për një periudhë 90 ditëshe.

Kryeministri tha se nëse Serbia nuk reflekton, nga 1 prilli do të nisë implementimi gradual i reciprocitetit.

Neogazeta
- Ndarje nga Neogazeta.com
Paraprak

Thaçi: Do t’i përdorim të gjithë mekanizmat ligjorë për zbardhjen e vrasjes së Kelmendit

Tjetra

Mustafa rreth taksës: Kosova nuk guxon të qëndrojë në mes të SHBA-së dhe BE-së

TË FUNDIT NGA RUBRIKA