Rusia ka akuzuar ushtrinë amerikane për lëshimin e dronëve nga një aeroplan i zbulimit Poseidon-8 që po patrullonte Detin Mesdhe pranë vendit të shkatërruar nga lufta.
Sipas mediave të huaja, duke operuar nga një ekuipazh i vetëm, 13 dronët nisën një sulm mbi bazën ajrore Hmeymim, qendra kryesore strategjike e operacionit të Rusisë në luftën civile siriane.
Ministri i mbrojtjes i Rusisë, Aleksandër Fomin, tha se avionët “filluan të operonin jashtë hapësirës”, por u shkatërruan pas “depërtimit” në bazë, pranë qytetit të Latakisë në Hmeimim.
Ndërsa Dimitri Peskov, zëdhënësi zyrtar i presidentit Vladimir Putin, tha se ai ishte “alarmuar” nga raportet se sulmi me dronë u koordinua nga ushtria amerikane.
Ai nuk përjashtoi mundësinë që Putin dhe presidenti amerikan Donald Trump të diskutojnë akuzat gjatë takimit të tyre të ardhshëm, të planifikuar për 11 nëntor në Paris.
Departamenti i Mbrojtjes i SHBA-së ende nuk ka komentuar mbi pohimet e bëra nga ministria e mbrojtjes e Rusisë.
Sulmi i dyshuar mbi bazën ajrore Hmeimim, ku forcat ajrore ruse po mbështesin presidentin sirian Bashar al-Assad në luftën civile, ndodhën më 6 janar të këtij viti.
NEOGAZETA
