Vëllau i Xhafer Tahirit i quajti ‘prostituta politike’ zyrtaret e LDK’së, Mustafa: Fjalor rrugaçësh

Kryetari i Vushtrrisë ë nga radhët e Lidhjes Demokratike të Kosovës (LDK), Xhafer Tahiri, më nuk është pjesë e Kryesisë së re të këtij subjekti politik. Pas mbledhjes që e ka mbajtur Këshilli i LDK-së, ku janë zgjedhur anëtarët e rinj të Kryesisë, ka reaguar vëllai i Xhafer Tahirit, Ahmet Tahiri.

Ahmet Tahiri, vëllai i Xhafer Tahirit, ka reaguar pasi që nuk është më pjesë e Kryesisë së LDK-së.

Ai përmes një postimi në profilin e tij zyrtar në rrjetin social Facebook, LDK-në e ka quajturë “prostitutë politike”.

Reagime të tilla si dhe të tjera që kryesisht janë shprehur përmes rrjeteve sociale, kanë bërë që kryetari i LDK’së, Isa Mustafa, të reagojë duke aluduar edhe në reagimin e vëllait të Tahirit, e duke e quajtur ‘fjalor rrugaçësh’.

“Nuk i cilësoj të pavend pritjet e atyre që nuk janë zgjedhur në Kryesi, por i vlerësoj të pa vend dhe qëllimkëqia deri edhe te fjalori rrugaq i atyre që këtë e ciësojnë si punë të klaneve, komunistëve dhe të SHIK-ut. Të tillë janë ata që e thonë, jo LDK-ja. Të tillët bien e qohen me këto botëkuptime, si me dashurinë e pare”, ka shkruar sot Mustafa përmes një statusi në Facebook, që më poshte.

Burime brenda LDK-së bëjnë të ditur se vëllau i Xhaferit nuk e kishte fjalën për gjithë LDK-në por për disa, si Vlora Dumoshi dhe Rrezarta Krasniqi (që u zgjedh në vend të Xhaferit). Gra të tjera brenda Kryesisë jane: Doruntinë Maloku, Brikenda Kryeziu, Mirjeta Kalludra dhe Mybera Mustafa.

Ndryshe, Kryesia e re e LDK-së ka 33 anëtarë dhe ka këtë përbërje: Agim Veliu, Lutfi Haziri, Vjosa Osmani, Gazmend Muhaxheri, Haki Rugova, Ismet Beqiri, Imri Ahmeti, Anton Quni, Hykmete Bajrami, Avdullah Hoti, Muharrem Svarqa, Kujtim Shala, Sokol Haliti, Vlora Dumoshi, Lumir Abdixhiku, Valon Murtezaj, Skender Hyseni, Brikenda Kryeziu, Fadil Krasniqi, Rrezeartë Krasniqi, Arban Abrashi, Mirjeta Kalludra, Besian Mustafa, Florian Dushi, Selim Kryeziu, Doruntinë Maloku, Naser Osmani, Mybera Mustafa etj.