fbpx

Zbatimi i vendimit të Trumpit për Jerusalemin s’do të jetë i lehtë, thotë Erdogan

Neogazeta
- Ndarje nga Neogazeta.com

Presidenti turk, Recep Tayyip Erdogan, ka thënë se vendimet që do të mirren gjatë takimit në Organizatën për Bashkëpunim Islamik (OIC), do të tregojnë se njohja e Jerusalemit si kryeqytet të Izraelit nga ana e Shteteve të Bashkuara nuk do të jetë lehtë e zbatueshme.

Një zëdhënës i Erdoganit ka njoftuar se OIC do të zhvillojë një takim urgjent në Turqi më 13 dhjetor, për t’u koordinuar, si përgjigje ndaj vendimit të SHBA-së.

E themeluar më 1969, OIC ka 57 anëtare, shumica prej tyre me shumicë myslimane të popullësisë.

“Ne u kemi sqaruar të gjithë bashkëbiseduesve tanë se vendimi i SHBA-së nuk është në përputhje me ligjin ndërkombëtar dhe diplomacinë”, ka thënë Erdogan në provincën qendrore të Turqisë, Sivas, duke iu referuar një thirrje telefonike që ka bërë me disa liderë, duke përfshirë presidentin francez, Emmanuel Macron.

“Në programin që do të krijojmë gjatë këtij takimi, ne do të shpalosim sesi vendimi nuk do të jetë aq lehtë i zbatueshëm”, ka thënë ai, duke shtuar se e konsideron të pavlefshëm vendimin e presidentit Trump për Jerusalemin, përcjell REL.

Liga Arabe, përmes një deklarate në një sesion emergjent në Kajro, e ka cilësuar vendimin e presidentit Trump, “shkelje të rrezikshme të ligjit ndërkombëtar”, dhe është thënë se do të kërkojnë rezolutë nga Këshilli i Sigurimit i Kombeve të Bashkuara për ta hedhur poshtë vendimin e SHBA-së.

Liga Arabe ka 22 shtete anëtare aktive.

Neogazeta
- Ndarje nga Neogazeta.com
Paraprak

Tahiri: Pas miratimit të buxhetit, sektorit të drejtësisë do t’i shtohen 690 vende të reja të punës

Tjetra

Kuvendi miratoi Projektligjin për Buxhetin e vitit 2018

TË FUNDIT NGA RUBRIKA